tumhaari yaad mein ye be-KHudi ka aalam hai

tumhārī yaad meñ ye be-ḳhudī kā aalam hai

na zindagī kī ḳhushī hai na maut kā ġham hai

vo ek ashk kā qatra jo hāsil-e-ġham hai

vahī to zaḳhm-e-jigar kā hamāre marham hai

maqām apnā hai is tarah dār-e-fānī meñ

ki jaise dāman-e-gul par sabāt-e-shabnam hai

badal sake na qafas ke masā.ib-o-ālām

hamārī fitrat-e-āzād kitnī mohkam hai

miTā chuke the jo mujh ko misāl-e-harf-e-ġhalat

zabāñ pe un kī merā naam hai ye kyā kam hai

hamāre ishq kā dilkash asar huā raushan

kisī kī aañkh meñ aañsū hai zulf barham he

tumhaari yaad mein ye be-KHudi ka aalam hai

na zindagi ki KHushi hai na maut ka gham hai

wo ek ashk ka qatra jo hasil-e-gham hai

wahi to zaKHm-e-jigar ka hamare marham hai

maqam apna hai is tarah dar-e-fani mein

ki jaise daman-e-gul par sabaat-e-shabnam hai

badal sake na qafas ke masaib-o-alam

hamari fitrat-e-azad kitni mohkam hai

miTa chuke the jo mujh ko misal-e-harf-e-ghalat

zaban pe un ki mera nam hai ye kya kam hai

hamare ishq ka dilkash asar hua raushan

kisi ki aankh mein aansu hai zulf barham he