tumhaari yaad tumhaara KHayal kafi hai

tumhārī yaad tumhārā ḳhayāl kaafī hai

sukūn-e-dil ke liye aur sab izāfī hai

ab is se tark-e-ta.alluq ke ba.ad kyā milnā

ye jurm vo hai jo nā-qābil-e-talāfi hai

visāl-e-yār kī hasrat nikāl dī dil se

sunā hai maiñ ki ye ishq ke munāfī hai

vo bevafā mujhe kahtā hai aur maiñ us ko

ye mas.ala bhī mire beach iḳhtilāfī hai

bajā ki maiñ huuñ sazā-vār sab kī nazroñ meñ

par un ke dil meñ to ik gosha-e-muāfī hai

qasam to khaa.ī hai 'rizvān' us ne milne kī

yaqīñ ho kyā ki ye lahja bhī inhirāfī hai

tumhaari yaad tumhaara KHayal kafi hai

sukun-e-dil ke liye aur sab izafi hai

ab is se tark-e-talluq ke baad kya milna

ye jurm wo hai jo na-qabil-e-talafi hai

visal-e-yar ki hasrat nikal di dil se

suna hai main ki ye ishq ke munafi hai

wo bewafa mujhe kahta hai aur main us ko

ye masala bhi mere beach iKHtilafi hai

baja ki main hun saza-war sab ki nazron mein

par un ke dil mein to ek gosha-e-muafi hai

qasam to khai hai 'rizwan' us ne milne ki

yaqin ho kya ki ye lahja bhi inhirafi hai