tumhaari zulf ke sae mein raat Thahri hai

tumhārī zulf ke saa.e meñ raat Thahrī hai

ki rang-o-nūr liye kā.enāt Thahrī hai

na ab junūñ kī tamanna na hai ḳhirad kī talab

ye kis maqām pe aa kar hayāt Thahrī hai

na pūchh kaise guzārī hai zindagī ham ne

qadam qadam pe alamnāk raat Thahrī hai

jahāñ meñ jab bhī nazar ko kahīñ sukūñ na milā

umīd-gāh-e-nazar terī zaat Thahrī hai

bañdhe haiñ peT pe patthar magar ye shaan tirī

jahāñ bhī tū ne kahā kā.enāt Thahrī hai

tire tufail meñ ye bhī jahāñ ne dekhā hai

ka.ī baras ke liye ek raat Thahrī hai

na jaane kaun sī ham se ḳhatā huī 'aḳhtar'

hamāre qatl kī har samt baat Thahrī hai

tumhaari zulf ke sae mein raat Thahri hai

ki rang-o-nur liye kaenat Thahri hai

na ab junun ki tamanna na hai KHirad ki talab

ye kis maqam pe aa kar hayat Thahri hai

na puchh kaise guzari hai zindagi hum ne

qadam qadam pe alamnak raat Thahri hai

jahan mein jab bhi nazar ko kahin sukun na mila

umid-gah-e-nazar teri zat Thahri hai

bandhe hain peT pe patthar magar ye shan teri

jahan bhi tu ne kaha kaenat Thahri hai

tere tufail mein ye bhi jahan ne dekha hai

kai baras ke liye ek raat Thahri hai

na jaane kaun si hum se KHata hui 'aKHtar'

hamare qatl ki har samt baat Thahri hai