tumhein ab yaad aai hai meri kya

Rakhshan Hashmi

tumhein ab yaad aai hai meri kya

Rakhshan Hashmi

MORE BY Rakhshan Hashmi

    tumheñ ab yaad aa.ī hai mirī kyā

    Thikāne lag ga.ī āvārgī kyā

    charāġhoñ ko bujhāte phir rahe ho

    tumhārā mas.ala hai raushnī kyā

    tumhī shāmil nahīñ jab zindagī meñ

    bhalā ham kyā hamārī zindagī kyā

    tumhārā tajraba kyā kah rahā hai

    karoge phir kisī se dostī kyā

    isī duniyā meñ tum ho aur maiñ bhī

    to ab mumkin nahīñ hai vāpsī kyā

    ḳhudā maane hue ho ek but ko

    karoge ab usī bandagī kyā

    nazar rakhte ho chūzoñ par hamesha

    tumhārī bhī nazar hai chiil kyā

    muqaddar so rahā hai jaane kab se

    use ghere hue hai nīstī kyā

    izāfa ho rahā hai dushmanoñ meñ

    musībat ban rahī hai shā.irī kyā

    fasīleñ toḌ kar niklī ho ghar se

    tumheñ karnā hai 'raḳhshāñ' ḳhud-kushī kyā

    tumhein ab yaad aai hai meri kya

    Thikane lag gai aawargi kya

    charaghon ko bujhate phir rahe ho

    tumhaara masala hai raushni kya

    tumhi shamil nahin jab zindagi mein

    bhala hum kya hamari zindagi kya

    tumhaara tajraba kya kah raha hai

    karoge phir kisi se dosti kya

    isi duniya mein tum ho aur main bhi

    to ab mumkin nahin hai wapsi kya

    KHuda mane hue ho ek but ko

    karoge ab usi ki bandagi kya

    nazar rakhte ho chuzon par hamesha

    tumhaari bhi nazar hai chil si kya

    muqaddar so raha hai jaane kab se

    use ghere hue hai nisti kya

    izafa ho raha hai dushmanon mein

    musibat ban rahi hai shairi kya

    fasilen toD kar nikli ho ghar se

    tumhein karna hai 'raKHshan' KHud-kushi kya

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY