tumhein tum se churane aa gae hain

tumheñ tum se churāne aa ga.e haiñ

mohabbat ko baḌhāne aa ga.e haiñ

hañsī ko qaid se āzād kar do

ye dekho muskurāne aa ga.e haiñ

abhī to ham se milne tum chale aao

ki ab mausam suhāne aa ga.e haiñ

ġhazal likkhī hai yādoñ meñ tumhārī

vahī shab bhar sunāne aa ga.e haiñ

gile-shikve bahut the darmiyāñ to

ki ab saare miTāne aa ga.e haiñ

ġhamoñ kā bojh hai sar par tumhāre

abad tak ham uThāne aa ga.e haiñ

ka.ī alfāz siine meñ dabe the

sabhī tum ko batāne aa ga.e haiñ

mohabbat ke taqāze dushmanoñ meñ

ye 'shīrīñ' ham nibhāne aa ga.e haiñ

tumhein tum se churane aa gae hain

mohabbat ko baDhane aa gae hain

hansi ko qaid se aazad kar do

ye dekho muskurane aa gae hain

abhi to hum se milne tum chale aao

ki ab mausam suhane aa gae hain

ghazal likkhi hai yaadon mein tumhaari

wahi shab bhar sunane aa gae hain

gile-shikwe bahut the darmiyan to

ki ab sare miTane aa gae hain

ghamon ka bojh hai sar par tumhaare

abad tak hum uThane aa gae hain

kai alfaz sine mein dabe the

sabhi tum ko batane aa gae hain

mohabbat ke taqaze dushmanon mein

ye 'shirin' hum nibhane aa gae hain