tund-KHui pe tanz kar jaun

tund-ḳhūī pe tanz kar jā.ūñ

ban ke ḳhushbū havā ke ghar jā.ūñ

dushman-e-jāñ nafas nafas merā

dhuul kā phuul huuñ kidhar jā.ūñ

tū bhulā.e to kyā bhulā.e mujhe

nashsha huuñ kis tarah utar jā.ūñ

ḳhud ulajhtā huuñ ḳhud sulajhtā huuñ

kuchh nikhar jā.ūñ kuchh sañvar jā.ūñ

jism aur ishq ke havāle se

maiñ tirī ruuh meñ utar jā.ūñ

but ko dekhā to but huā 'ḳhālid'

jī meñ thā dekh kar guzar jā.ūñ

tund-KHui pe tanz kar jaun

ban ke KHushbu hawa ke ghar jaun

dushman-e-jaan nafas nafas mera

dhul ka phul hun kidhar jaun

tu bhulae to kya bhulae mujhe

nashsha hun kis tarah utar jaun

KHud ulajhta hun KHud sulajhta hun

kuchh nikhar jaun kuchh sanwar jaun

jism aur ishq ke hawale se

main teri ruh mein utar jaun

but ko dekha to but hua 'KHalid'

ji mein tha dekh kar guzar jaun