tu agar dekhe sadgi meri

tū agar dekhe sādgī merī

phir tabī.at hai shā.erī merī

dard-o-ġham meñ vafā milā.ī ga.ī

aur taḳhlīq kī ga.ī merī

mujh ko itnā batāo sach sach tum

yaad aatī nahīñ kabhī merī

har añdherā miTā sakūñ maiñ yahāñ

duur tak jaa.e raushnī merī

ab bhī tujh se vafā nibhā.uñgī

ab bhī baaqī hai zindagī merī

kitne din se tirā guzar na huā

kitnī vīrāñ huī galī merī

maiñ bhī shab meñ falak pe hotī huuñ

kaun dekhegā chāñdnī merī

terī sāñsoñ kī ḳhushbuoñ meñ huuñ

tujh ko zāhir na ho kamī merī

phir 'ananyā' tujhe vo yaad aaya

kah rahī āñkhoñ kī namī merī

tu agar dekhe sadgi meri

phir tabiat hai shaeri meri

dard-o-gham mein wafa milai gai

aur taKHliq ki gai meri

mujh ko itna batao sach sach tum

yaad aati nahin kabhi meri

har andhera miTa sakun main yahan

dur tak jae raushni meri

ab bhi tujh se wafa nibhaungi

ab bhi baqi hai zindagi meri

kitne din se tera guzar na hua

kitni viran hui gali meri

main bhi shab mein falak pe hoti hun

kaun dekhega chandni meri

teri sanson ki KHushbuon mein hun

tujh ko zahir na ho kami meri

phir 'ananya' tujhe wo yaad aaya

kah rahi aankhon ki nami meri