tu agar ghair hai nazdik-e-rag-e-jaan kyun hai

Zaheer Kashmiri

tu agar ghair hai nazdik-e-rag-e-jaan kyun hai

Zaheer Kashmiri

MORE BYZaheer Kashmiri

    agar ġhair hai nazdīk-e-rag-e-jāñ kyuuñ hai

    nā-shanāsā hai to phir mahram-e-pinhāñ kyuuñ hai

    hijr ke daur meñ har daur ko shāmil kar leñ

    is meñ shāmil yahī ik umr-e-gurezāñ kyuuñ hai

    aaj shab to bujhā rakkhe haiñ yādoñ ke charāġh

    aaj shab mirī palkoñ pe charāġhāñ kyuuñ hai

    aur bhī log haiñ maujūd bayābānoñ meñ

    dast-e-vahshat meñ faqat merā girebāñ kyuuñ hai

    dil to muddat se kaḌī dhuup meñ jaltā hai 'zahīr'

    aag barsātā huā abr-e-bahārāñ kyuuñ hai

    tu agar ghair hai nazdik-e-rag-e-jaan kyun hai

    na-shanasa hai to phir mahram-e-pinhan kyun hai

    hijr ke daur mein har daur ko shamil kar len

    is mein shamil yahi ek umr-e-gurezan kyun hai

    aaj ki shab to bujha rakkhe hain yaadon ke charagh

    aaj ki shab meri palkon pe charaghan kyun hai

    aur bhi log hain maujud bayabanon mein

    dast-e-wahshat mein faqat mera gireban kyun hai

    dil to muddat se kaDi dhup mein jalta hai 'zahir'

    aag barsata hua abr-e-bahaaran kyun hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY