tu bhi fariyaadi hua tha iltija maine bhi ki

tū bhī fariyādī huā thā iltijā maiñ ne bhī kī

tū na thā mujrim akelā haañ ḳhatā maiñ ne bhī kī

zulm donoñ ne kiyā thā donoñ the is meñ sharīk

ibtidā gar tū ne kī to intihā maiñ ne bhī kī

sirf tū ne hī nahīñ kī justujū-e-chāra-gar

dard jab had se baḌhā to kuchh davā maiñ ne bhī kī

kis ne kyā māñgā falak se aur kis ko kyā milā

haath tū ne bhī uThā.e the duā maiñ ne bhī kī

maiñ tirā hissa na ban paayā ye achchhā hī huā

go ye ḳhvāhish ai hujūm-e-dil-rubā maiñ ne bhī kī

sabza-e-begāna se rishta mirā kuchh kam nahīñ

is chaman kī ābyārī ai ghaTā maiñ ne bhī kī

tu bhi fariyaadi hua tha iltija main ne bhi ki

tu na tha mujrim akela han KHata main ne bhi ki

zulm donon ne kiya tha donon the is mein sharik

ibtida gar tu ne ki to intiha main ne bhi ki

sirf tu ne hi nahin ki justuju-e-chaara-gar

dard jab had se baDha to kuchh dawa main ne bhi ki

kis ne kya manga falak se aur kis ko kya mila

hath tu ne bhi uThae the dua main ne bhi ki

main tera hissa na ban paya ye achchha hi hua

go ye KHwahish ai hujum-e-dil-ruba main ne bhi ki

sabza-e-begana se rishta mera kuchh kam nahin

is chaman ki aabyari ai ghaTa main ne bhi ki