tu bhi kar ghaur is kahani par
tū bhī kar ġhaur is kahānī par
jo likhī jā rahī hai paanī par
ye zamīñ zar ugā.egī ik din
rakh yaqīñ apnī kalba-rānī par
us kī be-mehvarī pe ġhaur na kar
rahm khā us kī be-zabānī par
garche mushkil talāsh thī us kī
ghar tirā mil gayā nishānī par
un se ma.anī kashīd kar apne
naqsh ubhre haiñ jo bhī paanī par
qaa.em 'anvar-sadīd' ne rakkhā
irtikāz apnī zindagānī par
tu bhi kar ghaur is kahani par
jo likhi ja rahi hai pani par
ye zamin zar ugaegi ek din
rakh yaqin apni kalba-rani par
us ki be-mehwari pe ghaur na kar
rahm kha us ki be-zabani par
garche mushkil talash thi us ki
ghar tera mil gaya nishani par
un se mani kashid kar apne
naqsh ubhre hain jo bhi pani par
qaem 'anwar-sadid' ne rakkha
irtikaz apni zindagani par
Source:
Prinda Safar men (Pg. 41)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
