tu chand hai to chand-nagar mujhse chhin le

tū chāñd hai to chāñd-nagar mujh se chhīn le

maiñ kyā karūñgā ḳhāk-basar mujh se chhīn le

ab terī be-ruḳhī kā bhī aatā hai yuuñ ḳhayāl

jaise koī matā-e-digar mujh se chhīn le

tū ḳhud hī apnī tarz-e-sitam par nigāh rakh

maiñ kyā kahūñ ye dard-e-jigar mujh se chhīn le

Daste raheñge zehn ko kab tak mushāhidāt

yārab ye imtiyāz-e-nazar mujh se chhīn le

pahchāntī nahīñ hai use jab kisī kī aañkh

be-kār hai nishān-e-hunar mujh se chhīn le

rū-e-sahar tū ḳhair mujhe kyā dikhā.egā

tū ārzū-e-dīd-e-sahar mujh se chhīn le

tu chand hai to chand-nagar mujh se chhin le

main kya karunga KHak-basar mujh se chhin le

ab teri be-ruKHi ka bhi aata hai yun KHayal

jaise koi mata-e-digar mujh se chhin le

tu KHud hi apni tarz-e-sitam par nigah rakh

main kya kahun ye dard-e-jigar mujh se chhin le

Daste rahenge zehn ko kab tak mushahidat

yarab ye imtiyaz-e-nazar mujh se chhin le

pahchanti nahin hai use jab kisi ki aankh

be-kar hai nishan-e-hunar mujh se chhin le

ru-e-sahar tu KHair mujhe kya dikhaega

tu aarzu-e-did-e-sahar mujh se chhin le