tu hai aab-e-zindagi tu hai shabab-e-zindagi

tū hai āb-e-zindagī tū hai shabāb-e-zindagī

tujh se hī sab kaif hai tū hai sharāb-e-zindagī

terā aanā hai tulūa-e-māhtāb-e-zindagī

aur tirā jaanā ġhurūb-e-āftāb-e-zindagī

terā jaanā TūTnā tār-e-rabāb-e-zindagī

tū agar aa jaa.e to khul jaa.e bāb-e-zindagī

zindagī miltī hai bas us ko jise mil jaa.e tū

dekhte haiñ yuuñ to lākhoñ log ḳhvāb-e-zindagī

itmīnān-e-qalb se vo log haiñ nā-āshnā

jin ko ye Dar hai ki denā hai hisāb-e-zindagī

ik mukammal ibratoñ kā dars detī hai janāb

paḌh ke dekheñ to kabhī apnī kitāb-e-zindagī

ai 'sa.ādat' un ko piine kā bhī koī haq nahīñ

talḳh jin logoñ ko lagtī hai sharāb-e-zindagī

tu hai aab-e-zindagi tu hai shabab-e-zindagi

tujh se hi sab kaif hai tu hai sharab-e-zindagi

tera aana hai tulua-e-mahtab-e-zindagi

aur tera jaana ghurub-e-aftab-e-zindagi

tera jaana TuTna tar-e-rabab-e-zindagi

tu agar aa jae to khul jae bab-e-zindagi

zindagi milti hai bas us ko jise mil jae tu

dekhte hain yun to lakhon log KHwab-e-zindagi

itminan-e-qalb se wo log hain na-ashna

jin ko ye Dar hai ki dena hai hisab-e-zindagi

ek mukammal ibraton ka dars deti hai janab

paDh ke dekhen to kabhi apni kitab-e-zindagi

ai 'saadat' un ko pine ka bhi koi haq nahin

talKH jin logon ko lagti hai sharab-e-zindagi