tu hai gar mujhse KHafa KHud se KHafa hun main bhi

tū hai gar mujh se ḳhafā ḳhud se ḳhafā huuñ maiñ bhī

mujh ko pahchān ki terī hī adā huuñ maiñ bhī

ek tujh se hī nahīñ fasl-e-tamannā shādāb

vahī mausam huuñ vahī āb-o-havā huuñ maiñ bhī

sabt huuñ dast-e-ḳhamoshī pe hinā kī sūrat

nā-shunīda hī sahī terā kahā huuñ maiñ bhī

chāñd ban kar tire āñgan meñ utar hī jā.ūñ

raat ke pichhle pahar maañg duā huuñ maiñ bhī

yuuñ na murjhā ki mujhe ḳhud pe bharosa na rahe

pichhle mausam meñ tire saath khilā huuñ maiñ bhī

jaane kis raah chalūñ kaun se ruḳh muḌ jā.ūñ

mujh se mat mil ki zamāne kī havā huuñ maiñ bhī

tu hai gar mujh se KHafa KHud se KHafa hun main bhi

mujh ko pahchan ki teri hi ada hun main bhi

ek tujh se hi nahin fasl-e-tamanna shadab

wahi mausam hun wahi aab-o-hawa hun main bhi

sabt hun dast-e-KHamoshi pe hina ki surat

na-shunida hi sahi tera kaha hun main bhi

chand ban kar tere aangan mein utar hi jaun

raat ke pichhle pahar mang dua hun main bhi

yun na murjha ki mujhe KHud pe bharosa na rahe

pichhle mausam mein tere sath khila hun main bhi

jaane kis rah chalun kaun se ruKH muD jaun

mujh se mat mil ki zamane ki hawa hun main bhi