tu hai ki chistan ki ibarat hai tah-ba-tah
tū hai ki chīstāñ kī ibārat hai tah-ba-tah
dil hai ki sañg-basta-e-hairat hai tah-ba-tah
jo aañkh dekhne meñ ḳharāba dikhā.ī de
samjho ki is meñ koī amānat hai tah-ba-tah
bahr-e-anā huuñ merī tahoñ meñ utar ke dekh
ḳhvābīda mujh meñ vaqt kī mayyat hai tah-ba-tah
vo chashm-e-surma-sā ki jise be-zabāñ kaheñ
us kī ḳhamoshiyoñ meñ ishārat hai tah-ba-tah
fursat kahāñ ki ġhair se ham dushmanī kareñ
apnā vajūd ek musībat hai tah-ba-tah
shāyad koī gayā ho zamāne se kāmgār
apnī to ziist kān-e-nadāmat hai tah-ba-tah
tu hai ki chistan ki ibarat hai tah-ba-tah
dil hai ki sang-basta-e-hairat hai tah-ba-tah
jo aankh dekhne mein KHaraba dikhai de
samjho ki is mein koi amanat hai tah-ba-tah
bahr-e-ana hun meri tahon mein utar ke dekh
KHwabida mujh mein waqt ki mayyat hai tah-ba-tah
wo chashm-e-surma-sa ki jise be-zaban kahen
us ki KHamoshiyon mein ishaarat hai tah-ba-tah
fursat kahan ki ghair se hum dushmani karen
apna wajud ek musibat hai tah-ba-tah
shayad koi gaya ho zamane se kaamgar
apni to zist kan-e-nadamat hai tah-ba-tah
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
