tu hamare dar se jab bhi dar-ba-dar ho jaegi

tū hamāre dar se jab bhī dar-ba-dar ho jā.egī

saarī duniyā ko tire ġham kī ḳhabar ho jā.egī

entry jab bhī mirī hogī tumhārī film meñ

be-asar jo hai kahānī bā-asar ho jā.egī

jis kī ḳhātir ghar banāne meñ lage ho raat din

ek din ye zindagī bhī dar-ba-dar ho jā.egī

aaj tum se mil rahā huuñ muddatoñ ke ba.ad maiñ

dekhnā ye raat kitnī muḳhtasar ho jā.egī

dekhnā us pal bahut dhīre se aa jā.egī maut

ye hamārī zindagī jab mo'atabar ho jā.egī

i love you muskurā kar kahne bhar kī der hai

muddatoñ kī ik kahānī muḳhtasar ho jā.egī

tu hamare dar se jab bhi dar-ba-dar ho jaegi

sari duniya ko tere gham ki KHabar ho jaegi

entry jab bhi meri hogi tumhaari film mein

be-asar jo hai kahani ba-asar ho jaegi

jis ki KHatir ghar banane mein lage ho raat din

ek din ye zindagi bhi dar-ba-dar ho jaegi

aaj tum se mil raha hun muddaton ke baad main

dekhna ye raat kitni muKHtasar ho jaegi

dekhna us pal bahut dhire se aa jaegi maut

ye hamari zindagi jab mo'atabar ho jaegi

i lowe you muskura kar kahne bhar ki der hai

muddaton ki ek kahani muKHtasar ho jaegi