tu hi bata mere hamdam ye kaise mumkin hai

tū hī batā mire hamdam ye kaise mumkin hai

karūñ na qadr-e-chaman pās-e-ḳhār-zār karūñ

hayāt maut se har haal meñ jab afzal hai

to inqalāb kī rah kyoñ na iḳhtiyār karūñ

bashar jab apne muqaddar kā aap mālik hai

to kyoñ na qahr-e-ḳhudā hī ko sharmsār karūñ

kiyā hai ḳhvār mujhe jis samāj ne us par

palaT ke maiñ bhī na kyoñ teġh-e-fan se vaar karūñ

nihāñ ho jis ke añdhere meñ sub.h kī koñpal

maiñ aisī raat se jī bhar ke kyoñ na pyaar karūñ

hai azm-e-zīst jab iqdām-e-ḳhud-kushī se hasīñ

to kyoñ na aise irāde maiñ bār-bār karūñ

tu hi bata mere hamdam ye kaise mumkin hai

karun na qadr-e-chaman pas-e-KHar-zar karun

hayat maut se har haal mein jab afzal hai

to inqalab ki rah kyon na iKHtiyar karun

bashar jab apne muqaddar ka aap malik hai

to kyon na qahr-e-KHuda hi ko sharmsar karun

kiya hai KHwar mujhe jis samaj ne us par

palaT ke main bhi na kyon tegh-e-fan se war karun

nihan ho jis ke andhere mein subh ki konpal

main aisi raat se ji bhar ke kyon na pyar karun

hai azm-e-zist jab iqdam-e-KHud-kushi se hasin

to kyon na aise irade main bar-bar karun