tu ki anjaan hai is shahr ke aadab samajh

tū ki anjān hai is shahr ke ādāb samajh

phuul ro.e to use ḳhanda-e-shādāb samajh

kahīñ aa jaa.e mayassar to muqaddar terā

varna āsūdgī-e-dahr ko nāyāb samajh

hasrat-e-girya meñ jo aag hai ashkoñ meñ nahīñ

ḳhushk āñkhoñ ko merī chashma-e-be-āb samajh

mauj-e-dariyā hī ko āvāra-e-sad-shauq na kah

reg-e-sāhil ko bhī lab-tishna-e-sailāb samajh

ye bhī vā hai kisī mānūs kiran kī ḳhātir

rauzan-e-dar ko bhī ik dīda-e-be-ḳhvāb samajh

ab kise sāhil-e-ummīd se taktā hai 'farāz'

vo jo ik kashti-e-dil thī use ġharqāb samajh

tu ki anjaan hai is shahr ke aadab samajh

phul roe to use KHanda-e-shadab samajh

kahin aa jae mayassar to muqaddar tera

warna aasudgi-e-dahr ko nayab samajh

hasrat-e-girya mein jo aag hai ashkon mein nahin

KHushk aankhon ko meri chashma-e-be-ab samajh

mauj-e-dariya hi ko aawara-e-sad-shauq na kah

reg-e-sahil ko bhi lab-tishna-e-sailab samajh

ye bhi wa hai kisi manus kiran ki KHatir

rauzan-e-dar ko bhi ek dida-e-be-KHwab samajh

ab kise sahil-e-ummid se takta hai 'faraaz'

wo jo ek kashti-e-dil thi use gharqab samajh