tu meri baat ke jadu mein to aa hi jata
tū mirī baat ke jaadū meñ to aa hī jaatā
chāhtā maiñ to tire dil meñ samā hī jaatā
bah ga.ī ek sadā sail-e-sadā meñ varna
maiñ tire shahr meñ ik shor uThā hī jaatā
vo agar dekh chukā thā ka.ī niilī lāsheñ
kyā zarūrī thā ki phir zahr chakhā hī jaatā
ham to kyā ḳhud use ma.alūm thā anjām apnā
dekhne ke liye kaun us kī tabāhī jaatā
ye zamīñ ek nayā rāsta hotī 'ash.har'
ham se pahle jo udhar se koī raahī jaatā
tu meri baat ke jadu mein to aa hi jata
chahta main to tere dil mein sama hi jata
bah gai ek sada sail-e-sada mein warna
main tere shahr mein ek shor uTha hi jata
wo agar dekh chuka tha kai nili lashen
kya zaruri tha ki phir zahr chakha hi jata
hum to kya KHud use malum tha anjam apna
dekhne ke liye kaun us ki tabahi jata
ye zamin ek naya rasta hoti 'ashhar'
hum se pahle jo udhar se koi rahi jata
Source:
Be Sada Faryaad (Ghazals) (Pg. 66)
- Author: Iqbal Ashhar Qureshi
-
- Edition: 2012
- Publisher: Fine Art Group Publications
- Year of Publication: 2012
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
