tu mujhko chahta hai is mughaalte mein rahun

tū mujh ko chāhtā hai is muġhālte meñ rahūñ

kabhī karam bhī kiyā kar ki aasre meñ rahūñ

jo merī soch ko gahrā.iyoñ kī shiddat de

maiñ zaḳhm zaḳhm kisī aise sānehe meñ rahūñ

jo merī ruuh kī barfāb rut ko hiddat de

tamām umr tire qurb dā.ere meñ rahūñ

jo tere qurb ke lamhoñ se miltā-jultā ho

maiñ vaqt toḌ ke ek aise silsile meñ rahūñ

vo jo maqām hai terā mirī kahānī meñ

usī maqām pe maiñ tere tazkire meñ rahūñ

ab is qadar to na ho intizār-e-dīd tirā

ki muntazir tire ḳhvāboñ kā ratjage meñ rahūñ

sharīk koī na ho jis meñ terā mere sivā

maiñ tujh se munsalik ik aise vāqiye meñ rahūñ

tu mujh ko chahta hai is mughaalte mein rahun

kabhi karam bhi kiya kar ki aasre mein rahun

jo meri soch ko gahraiyon ki shiddat de

main zaKHm zaKHm kisi aise sanehe mein rahun

jo meri ruh ki barfab rut ko hiddat de

tamam umr tere qurb daere mein rahun

jo tere qurb ke lamhon se milta-julta ho

main waqt toD ke ek aise silsile mein rahun

wo jo maqam hai tera meri kahani mein

usi maqam pe main tere tazkire mein rahun

ab is qadar to na ho intizar-e-did tera

ki muntazir tere KHwabon ka ratjage mein rahun

sharik koi na ho jis mein tera mere siwa

main tujh se munsalik ek aise waqiye mein rahun