tu muqim subh-e-azal se hai meri shah-rag ke qarin sahi

tū muqīm sub.h-e-azal se hai mirī shāh-rag ke qarīñ sahī

magar aa sakā na mujhe nazar mire dil meñ laakh makīñ sahī

ye shikast-e-sheva-e-nāz hai jo mizāj-e-husn badal sake

kabhī muñh se haañ na nikal sakī jo kahā nahīñ to nahīñ sahī

maiñ vo āb-o-gil kā huuñ sho.abada ki malak fareb meñ aa ga.e

mirī dastaras meñ hai arsh bhī maiñ hazār ḳhāk-nashīñ sahī

ye surūr-o-zauq kī manzileñ ye maqām-e-shauq kī rif.ateñ

mirī āh-e-sub.h kī den haiñ mujhe is kā bhī na yaqīñ sahī

tirā āstāñ to na mil sakā tire naqsh-e-pā hī agar mileñ

mujhe kaam sajda-e-shauq se mirā sajda nang-e-jabīñ sahī

vo niyāz-mand 'munīr' hai jise mā-sivā se ġharaz nahīñ

jo na dekhe aañkh uThā ke bhī koī rashk-e-māh-e-mubīñ sahī

tu muqim subh-e-azal se hai meri shah-rag ke qarin sahi

magar aa saka na mujhe nazar mere dil mein lakh makin sahi

ye shikast-e-shewa-e-naz hai jo mizaj-e-husn badal sake

kabhi munh se han na nikal saki jo kaha nahin to nahin sahi

main wo aab-o-gil ka hun shoabada ki malak fareb mein aa gae

meri dastaras mein hai arsh bhi main hazar KHak-nashin sahi

ye surur-o-zauq ki manzilen ye maqam-e-shauq ki rifaten

meri aah-e-subh ki den hain mujhe is ka bhi na yaqin sahi

tera aastan to na mil saka tere naqsh-e-pa hi agar milen

mujhe kaam sajda-e-shauq se mera sajda nang-e-jabin sahi

wo niyaz-mand 'munir' hai jise ma-siwa se gharaz nahin

jo na dekhe aankh uTha ke bhi koi rashk-e-mah-e-mubin sahi