tu nahane ghaT par aaya to dariya jal gaya

tū nahāne ghaaT par aayā to dariyā jal gayā

ātish-e-ruḳh se tire jo kuchh vahāñ thā jal gayā

kyā batā.ūñ apne maiñ soz-e-darūñ kā mājrā

thā pahanñe kā irāda hī ki kurtā jal gayā

ab to ġham-ḳhāne meñ apne ik chaTā.ī bhī nahīñ

aag is ghar ko lagī aisī ki jo thā jal gayā

merī āh-e-ātishīñ kī zad meñ shaiḳh aa hī ga.e

sirf dāḌhī bach ga.ī puurā amāma jal gayā

āftāb-e-hashr kī garmī bhī kitnī baḌh ga.ī

bach ga.e aasī farishtoñ kā navishta jal gayā

bazm-e-ḳhūbāñ meñ lagī aag āh-e-sozāñ se mirī

un kī saarī jal ga.ī un kā dupaTTā jal gayā

Thiik 'ġhālib' hī ke dil kī tarah thā 'hāshim' kā dil

dekh kar tarz-e-tapāk-e-ahl-e-duniyā jal gayā

tu nahane ghaT par aaya to dariya jal gaya

aatish-e-ruKH se tere jo kuchh wahan tha jal gaya

kya bataun apne main soz-e-darun ka majra

tha pahanne ka irada hi ki kurta jal gaya

ab to gham-KHane mein apne ek chaTai bhi nahin

aag is ghar ko lagi aisi ki jo tha jal gaya

meri aah-e-atishin ki zad mein shaiKH aa hi gae

sirf daDhi bach gai pura amama jal gaya

aaftab-e-hashr ki garmi bhi kitni baDh gai

bach gae aasi farishton ka nawishta jal gaya

bazm-e-KHuban mein lagi aag aah-e-sozan se meri

un ki sari jal gai un ka dupaTTa jal gaya

Thik 'ghaalib' hi ke dil ki tarah tha 'hashim' ka dil

dekh kar tarz-e-tapak-e-ahl-e-duniya jal gaya