tu wafa kar ke bhul ja mujhko
tū vafā kar ke bhuul jā mujh ko
ab zarā yuuñ bhī aazmā mujh ko
ye zamāna burā nahīñ hai magar
apnī nazroñ se dekhnā mujh ko
be-sadā kāġhazoñ meñ aag lagā
aaj kī raat gungunā mujh ko
tujh ko kis kis meñ DhūñDhtā āḳhir
tū bhī kis kis se māñgtā mujh ko
ab kisī aur kā pujārī hai
jis ne maanā thā devtā mujh ko
tu wafa kar ke bhul ja mujh ko
ab zara yun bhi aazma mujh ko
ye zamana bura nahin hai magar
apni nazron se dekhna mujh ko
be-sada kaghazon mein aag laga
aaj ki raat gunguna mujh ko
tujh ko kis kis mein DhunDhta aaKHir
tu bhi kis kis se mangta mujh ko
ab kisi aur ka pujari hai
jis ne mana tha dewta mujh ko
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
