tufan badal gae kabhi dhaare badal gae

tūfāñ badal ga.e kabhī dhāre badal ga.e

maujoñ ke saath saath kināre badal ga.e

ġham-hā-e-zindagī ke sahāre badal ga.e

mastī bharī nazar ke ishāre badal ga.e

taarī fazā-e-kaif pe be-kaifiyāñ sī thiiñ

uThī jo vo nazar to nazāre badal ga.e

is vārdāt-e-ḳhās kā kis se karūñ gila

badle haiñ jab se aap sitāre badal ga.e

ThanDī huī na ashk-e-ravāñ se bhī ġham key aag

aañsū badal ga.e ki sharāre badal ga.e

sunte hī 'raushnī' key ġhazal log kah uThe

ġham-hā-e-zindagī ke nazāre badal ga.e

tufan badal gae kabhi dhaare badal gae

maujon ke sath sath kinare badal gae

gham-ha-e-zindagi ke sahaare badal gae

masti bhari nazar ke ishaare badal gae

tari faza-e-kaif pe be-kaifiyan si thin

uThi jo wo nazar to nazare badal gae

is wardat-e-KHas ka kis se karun gila

badle hain jab se aap sitare badal gae

ThanDi hui na ashk-e-rawan se bhi gham key aag

aansu badal gae ki sharare badal gae

sunte hi 'raushni' key ghazal log kah uThe

gham-ha-e-zindagi ke nazare badal gae