aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

tufan nahin guzre ki bayaban nahin guzre

Syed Zameer Jafri

tufan nahin guzre ki bayaban nahin guzre

Syed Zameer Jafri

MORE BYSyed Zameer Jafri

    tūfāñ nahīñ guzre ki bayābāñ nahīñ guzre

    ham marhala-e-zīst se āsāñ nahīñ guzre

    kuchh aise maqāmāt bhī the rāh-e-vafā meñ

    mahsūs ye hotā thā ki insāñ nahīñ guzre

    arsa huā vo zulf-e-pareshāñ nahīñ dekhī

    muddat huī nazroñ se gulistāñ nahīñ guzre

    har hādisa-e-nau se ulajhte ga.e har gaam

    ham rahguzar-e-shauq se guzarāñ nahīñ guzre

    hairān to guzre haiñ zamāne ravish se

    ye apnī ravish thī ki pareshāñ nahīñ guzre

    kyā ham ko satā.egā ġham-e-gardish-e-daurāñ

    ham tujh se abhī ai ġham-e-jānāñ nahīñ guzre

    tufan nahin guzre ki bayaban nahin guzre

    hum marhala-e-zist se aasan nahin guzre

    kuchh aise maqamat bhi the rah-e-wafa mein

    mahsus ye hota tha ki insan nahin guzre

    arsa hua wo zulf-e-pareshan nahin dekhi

    muddat hui nazron se gulistan nahin guzre

    har hadisa-e-nau se ulajhte gae har gam

    hum rahguzar-e-shauq se guzaran nahin guzre

    hairan to guzre hain zamane ki rawish se

    ye apni rawish thi ki pareshan nahin guzre

    kya hum ko sataega gham-e-gardish-e-dauran

    hum tujh se abhi ai gham-e-jaanan nahin guzre

    Source:

    Funoon(Jadeed Ghazal Number: Volume-002) (Pg. 359)

      • Edition: 1969
      • Publisher: Ahmad Nadeem Qasmi
      • Year of Publication: 1969
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now