tufan nazar mein hai na kinara nazar mein hai
tufan nazar mein hai na kinara nazar mein hai
Mansha ur Rahman Khan Mansha
MORE BYMansha ur Rahman Khan Mansha
tūfāñ nazar meñ hai na kinārā nazar meñ hai
ik azm-e-mo'atabar kā sahārā nazar meñ hai
vo din ga.e ki tīrgī-e-shab kā thā malāl
ab jalva-e-sahar kā nazārā nazar meñ hai
husn-e-numūd-e-sub.h kā allāh re kamāl
bahtā huā vo nuur kā dhārā nazar meñ hai
kuchh zauq par garāñ to na thā husn-e-kā.enāt
kyā kījiye ki husn tumhārā nazar meñ hai
dil ko luTe hue to zamāna huā magar
ab bhī kisī nazar kā ishārā nazar meñ hai
uf DabDabātī aañkh se girtā huā vo ashk
ab tak vo Dūbtā huā taarā nazar meñ hai
vo be-ruḳhī se dekhte haiñ dekhte to haiñ
'manshā' maqām kuchh to hamārā nazar meñ hai
tufan nazar mein hai na kinara nazar mein hai
ek azm-e-mo'atabar ka sahaara nazar mein hai
wo din gae ki tirgi-e-shab ka tha malal
ab jalwa-e-sahar ka nazara nazar mein hai
husn-e-numud-e-subh ka allah re kamal
bahta hua wo nur ka dhaara nazar mein hai
kuchh zauq par garan to na tha husn-e-kaenat
kya kijiye ki husn tumhaara nazar mein hai
dil ko luTe hue to zamana hua magar
ab bhi kisi nazar ka ishaara nazar mein hai
uf DabDabaati aankh se girta hua wo ashk
ab tak wo Dubta hua tara nazar mein hai
wo be-ruKHi se dekhte hain dekhte to hain
'mansha' maqam kuchh to hamara nazar mein hai
Source:
Nawa-e-Dil (Pg. 78)
- Author: Mansha ur Rahman Khan Mansha
-
- Edition: 1963
- Publisher: Baitul Ishat, Nagpur
- Year of Publication: 1963
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
