aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

TuTa hai aaj abr jo is aan-ban se

Naqqash Kazmi

TuTa hai aaj abr jo is aan-ban se

Naqqash Kazmi

MORE BYNaqqash Kazmi

    Interesting Fact

    1969

    TuuTā hai aaj abr jo is ān-bān se

    barsegā kal lahū bhī tire āsmān se

    ye kis ke dil aag se jalte haiñ bām-o-dar

    sho'le se uTh rahe haiñ badan ke makān se

    sūraj tez dhuup se shāyad amaañ mile

    ruktī hai ġham dhuup kahīñ sā.ebān se

    chehroñ pe gard āñkhoñ meñ nīñdeñ fazā ḳhamosh

    sustā rahe haiñ log safar takān se

    hai apnī apnī tāqat-e-parvāz kamāl

    matlab kisī ko kyā tirī ūñchī uḌaan se

    āḳhir chaTaḳh chaTaḳh ke bikharne lagā huuñ maiñ

    Takrā gayā thā raat ḳhud apnī chaTān se

    phirte haiñ shahr-e-dard meñ jo be-dilī ke saath

    'naqqāsh'-kāzmī haiñ vahī naujavān se

    TuTa hai aaj abr jo is aan-ban se

    barsega kal lahu bhi tere aasman se

    ye kis ke dil ki aag se jalte hain baam-o-dar

    sho'le se uTh rahe hain badan ke makan se

    suraj ki tez dhup se shayad aman mile

    rukti hai gham ki dhup kahin saeban se

    chehron pe gard aankhon mein ninden faza KHamosh

    susta rahe hain log safar ki takan se

    hai apni apni taqat-e-parwaz ka kamal

    matlab kisi ko kya teri unchi uDan se

    aaKHir chaTaKH chaTaKH ke bikharne laga hun main

    Takra gaya tha raat KHud apni chaTan se

    phirte hain shahr-e-dard mein jo be-dili ke sath

    'naqqash'-kazmi hain wahi naujawan se

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now