TuTe aaine ko kya ghar mein sajaana achchha

Tabassum Anwar

TuTe aaine ko kya ghar mein sajaana achchha

Tabassum Anwar

MORE BYTabassum Anwar

    TuuTe ā.īne ko kyā ghar meñ sajānā achchhā

    ruuh ke ghaav ko duniyā se chhupānā achchhā

    un se kah do ki hameñ ab na satānā achchhā

    jo ta.alluq sazā ban jaa.e miTānā achchhā

    faisla dil se karo saath jo chalnā hai mire

    sar ko iqrār meñ bas tum na hilānā achchhā

    dījiye umr-darāzī duā.eñ na mujhe

    ḳhaar se dāman-e-dil jaldī chhuḌānā achchhā

    ḳhāk-e-ulfat ko liye sar pe kyoñ gulshan meñ rahūñ

    dil meñ vahshat ho to sahrā meñ jaanā achchhā

    rishta-e-ḳhvāb se kab ḳhud ko judā kar paa.ī

    shab guzarne yahī ik hai bahānā achchhā

    teġh gardan pe thī yuuñ shaah tārīf karī

    kitnā mushkil thā burā.ī ko batānā achchhā

    dil-e-bīmār ko phir izn-e-safar kyā detī

    ek ma.azūr ko ab kitnā bhagāna achchhā

    jab talak paḌhne ke qābil rahā vo ḳhat rakkhā

    jis tahrīr miTe us ko jalānā achchhā

    vo 'tabassum' ko bhulā baiThā tumheñ kaise ḳhabar

    mujh ko afvāh meñ bhī sach sunānā achchhā

    tan-e-mazrūb liye bazm meñ muskātī rahī

    ghar izzat ke liye sab thā dikhānā achchhā

    TuTe aaine ko kya ghar mein sajaana achchha

    ruh ke ghaw ko duniya se chhupana achchha

    un se kah do ki hamein ab na satana achchha

    jo talluq saza ban jae miTana achchha

    faisla dil se karo sath jo chalna hai mere

    sar ko iqrar mein bas tum na hilana achchha

    dijiye umr-daraazi ki duaen na mujhe

    KHar se daman-e-dil jaldi chhuDana achchha

    KHak-e-ulfat ko liye sar pe kyon gulshan mein rahun

    dil mein wahshat ho to sahra mein hi jaana achchha

    rishta-e-KHwab se kab KHud ko juda kar pai

    shab guzarne ka yahi ek hai bahana achchha

    tegh gardan pe thi yun shah ki tarif kari

    kitna mushkil tha burai ko batana achchha

    dil-e-bimar ko phir izn-e-safar kya deti

    ek mazur ko ab kitna bhagana achchha

    jab talak paDhne ke qabil raha wo KHat rakkha

    jis ki tahrir miTe us ko jalana achchha

    wo 'tabassum' ko bhula baiTha tumhein kaise KHabar

    mujh ko afwah mein bhi sach hi sunana achchha

    tan-e-mazrub liye bazm mein muskati rahi

    ghar ki izzat ke liye sab tha dikhana achchha

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY