TuTe hain aainon ki tarah bar bar hum

TuuTe haiñ ā.inoñ kī tarah baar baar ham

ḳhud par hue haiñ jab bhī kabhī āshkār ham

hote haiñ terī yaad meñ jab be-qarār ham

rote haiñ pahroñ baiTh ke be-iḳhtiyār ham

terī hañsī kā qarz chukāne ke vāste

chhup chhup ke rote rahte haiñ zār-o-qatār ham

dil bhar gayā hai karb-e-musalsal se ai ḳhudā

ab DhūñDte haiñ har ghaḌī rāh-e-farār ham

murjhā ga.e haiñ shāḳh-e-tamannā ke gul sabhī

ab kyā manā.eñ 'mīnā' ye jashn-e-bahār ham

TuTe hain aainon ki tarah bar bar hum

KHud par hue hain jab bhi kabhi aashkar hum

hote hain teri yaad mein jab be-qarar hum

rote hain pahron baiTh ke be-iKHtiyar hum

teri hansi ka qarz chukane ke waste

chhup chhup ke rote rahte hain zar-o-qatar hum

dil bhar gaya hai karb-e-musalsal se ai KHuda

ab DhunDte hain har ghaDi rah-e-farar hum

murjha gae hain shaKH-e-tamanna ke gul sabhi

ab kya manaen 'mina' ye jashn-e-bahaar hum