ubal paDa yak-ba-yak samundar to maine dekha

ubal paḌā yak-ba-yak samundar to maiñ ne dekhā

khulā jo rāz-e-sukūt lab par to maiñ ne dekhā

utar gayā rañg-e-rū-e-manzar to maiñ ne dekhā

haTī nigāh-e-bahār yaksar to maiñ ne dekhā

na jaane kab se vo andar andar sulag rahā thā

milā jo dīvār meñ mujhe dar to maiñ ne dekhā

tamām gard-o-ġhubār dil se nikal chukā thā

baras chukā abr-e-ashk khul kar to maiñ ne dekhā

nishān qadmoñ ke rāste meñ chamak rahe the

guzar gayā vo nazar bachā kar to maiñ ne dekhā

milā ke miTTī meñ rakh dī us ne ibādat us kī

jo mere aage na ḳham kiyā sar to maiñ ne dekhā

ubal paDa yak-ba-yak samundar to main ne dekha

khula jo raaz-e-sukut lab par to main ne dekha

utar gaya rang-e-ru-e-manzar to main ne dekha

haTi nigah-e-bahaar yaksar to main ne dekha

na jaane kab se wo andar andar sulag raha tha

mila jo diwar mein mujhe dar to main ne dekha

tamam gard-o-ghubar dil se nikal chuka tha

baras chuka abr-e-ashk khul kar to main ne dekha

nishan qadmon ke raste mein chamak rahe the

guzar gaya wo nazar bacha kar to main ne dekha

mila ke miTTi mein rakh di us ne ibaadat us ki

jo mere aage na KHam kiya sar to main ne dekha