ubhri na koi shakl na paikar nazar aaya
ubhrī na koī shakl na paikar nazar aayā
tasvīr meñ rañgoñ kā samundar nazar aayā
ai dost tirā shahr bhī hai shahr-e-tilismāt
chhūkar jise dekhā vahī patthar nazar aayā
har shaḳhs haqā.eq kī kaḌī dhuup ke Dar se
taane hue auhām kī chādar nazar aayā
har shaḳhs nayā shaḳhs thā jab ġhaur se dekhā
insān ik insān ke andar nazar aayā
maiñ ḳhvāb meñ kal raat jise chuum rahā thā
jaagā to usī haath meñ patthar nazar aayā
jab bone lagā biij ḳhayālāt ke 'ḳhālid'
har lafz kā dāman mujhe banjar nazar aayā
ubhri na koi shakl na paikar nazar aaya
taswir mein rangon ka samundar nazar aaya
ai dost tera shahr bhi hai shahr-e-tilismat
chhukar jise dekha wahi patthar nazar aaya
har shaKHs haqaeq ki kaDi dhup ke Dar se
tane hue auham ki chadar nazar aaya
har shaKHs naya shaKHs tha jab ghaur se dekha
insan ek insan ke andar nazar aaya
main KHwab mein kal raat jise chum raha tha
jaga to usi hath mein patthar nazar aaya
jab bone laga bij KHayalat ke 'KHalid'
har lafz ka daman mujhe banjar nazar aaya
Source:
Funoon(Jadeed Ghazal Number: Volume-002) (Pg. 1062)
-
- Edition: 1969
- Publisher: Ahmad Nadeem Qasmi
- Year of Publication: 1969
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
