udas rahna bhi ek kala hai udas rahiye

udaas rahnā bhī ek kalā hai udaas rahiye

kisī kisī ko ye fan milā hai udaas rahiye

kahā thā ham ne nahīñ sunegā ḳhushī kī mannat

nahīñ sunegā ḳhudā ḳhudā hai udaas rahiye

hamāre hote bhī mas.aloñ kī talāsh kyoñ hai

hamārā honā hī mas.ala hai udaas rahiye

likhā hai us ne mujhe bhulā kar ḳhushī se rahnā

vo shaḳhs kahnā ye chāhtā hai udaas rahiye

khilā.e rakhiye har ek rut meñ gul-e-udāsī

firāq kyā hai visāl kyā hai udaas rahiye

udas rahna bhi ek kala hai udas rahiye

kisi kisi ko ye fan mila hai udas rahiye

kaha tha hum ne nahin sunega KHushi ki mannat

nahin sunega KHuda KHuda hai udas rahiye

hamare hote bhi masalon ki talash kyon hai

hamara hona hi masala hai udas rahiye

likha hai us ne mujhe bhula kar KHushi se rahna

wo shaKHs kahna ye chahta hai udas rahiye

khilae rakhiye har ek rut mein gul-e-udasi

firaq kya hai visal kya hai udas rahiye