udas sham mein pazhmurda baad ban ke na aa

udaas shaam meñ pazhmurda baad ban ke na aa

jo aa sake to ḳhud aa apnī yaad ban ke na aa

kabhī sahar bhī to ban ai visāl ke mausam

sadā yuuñ hī shab-e-marg-e-murād ban ke na aa

tujhe tire mah o anjum kā vāsta ai raat

mire in ujle daroñ par savād ban ke na aa

kitāb-e-zīst ḳhudā-rā koī ġhazal bhī sunā

shikast-e-jāñ kī faqat rūedād ban ke na aa

bhalī lage to ise gungunā bhī ai lab-e-yār

mirī ġhazal pe faqat harf-e-dād ban ke na aa

utar zarūr magar aah sub.h-e-āzādī

kisī zamīn pe vaj.h-e-fasād ban ke na aa

udas sham mein pazhmurda baad ban ke na aa

jo aa sake to KHud aa apni yaad ban ke na aa

kabhi sahar bhi to ban ai visal ke mausam

sada yun hi shab-e-marg-e-murad ban ke na aa

tujhe tere mah o anjum ka wasta ai raat

mere in ujle daron par sawad ban ke na aa

kitab-e-zist KHuda-ra koi ghazal bhi suna

shikast-e-jaan ki faqat ruedad ban ke na aa

bhali lage to ise gunguna bhi ai lab-e-yar

meri ghazal pe faqat harf-e-dad ban ke na aa

utar zarur magar aah subh-e-azadi

kisi zamin pe wajh-e-fasad ban ke na aa