udas udas sar-e-saghar-o-subu bhi main

udaas udaas sar-e-sāġhar-o-subū bhī maiñ

yam-e-nashāt kī ik mauj-e-tund-ḳhū bhī maiñ

mujhī meñ gum haiñ ka.ī tīrgī-ba-kaf rāteñ

ziyā-farosh sar-e-tāq-e-ārzū bhī maiñ

mujhī se qā.em-o-dā.em haiñ ghar ke sannāTe

tumhārī bazm-e-tamannā kī hāv-hū bhī maiñ

mire hī zaḳhm-e-tamannā meñ sau tarah ke rañg

bharī bahār meñ mahrūm-e-rañg-o-bū bhī maiñ

jo raah chalte mirī samt aañkh bhī na uThā.e

usī kī bazm kā mauzū-e-guftugū bhī maiñ

jise sañvār ke ḳhud bhī bikhartā jaatā huuñ

us ek gauhar-e-sad-zau kī aabrū bhī maiñ

kuchh aise taur se chamkā hai dil kā dāġh-e-shikast

ki aaj tak nahīñ hasrat-kash-e-rafū bhī maiñ

nazar meñ tere har andāz ko sajā.e hue

misāl-e-ā.īna bhī maiñ lahū lahū bhī maiñ

maiñ aaj sāz-e-dil-o-jāñ pe gā.ūñ kaun sā giit

tumhāre paas bhī duniyā ke rū-ba-rū bhī maiñ

tumhārī barham se uThne kā bhī ḳhayāl mujhe

zarā sī der Thaharne kā hīla-jū bhī maiñ

ḳhud apne aap se aisā bichhaḌ gayā huuñ 'nasīm'

ki ab maqām bhī manzil bhī justujū bhī maiñ

udas udas sar-e-saghar-o-subu bhi main

yam-e-nashat ki ek mauj-e-tund-KHu bhi main

mujhi mein gum hain kai tirgi-ba-kaf raaten

ziya-farosh sar-e-taq-e-arzu bhi main

mujhi se qaem-o-daem hain ghar ke sannaTe

tumhaari bazm-e-tamanna ki haw-hu bhi main

mere hi zaKHm-e-tamanna mein sau tarah ke rang

bhari bahaar mein mahrum-e-rang-o-bu bhi main

jo rah chalte meri samt aankh bhi na uThae

usi ki bazm ka mauzu-e-guftugu bhi main

jise sanwar ke KHud bhi bikharta jata hun

us ek gauhar-e-sad-zau ki aabru bhi main

kuchh aise taur se chamka hai dil ka dagh-e-shikast

ki aaj tak nahin hasrat-kash-e-rafu bhi main

nazar mein tere har andaz ko sajae hue

misal-e-aina bhi main lahu lahu bhi main

main aaj saz-e-dil-o-jaan pe gaun kaun sa git

tumhaare pas bhi duniya ke ru-ba-ru bhi main

tumhaari barham se uThne ka bhi KHayal mujhe

zara si der Thaharne ka hila-ju bhi main

KHud apne aap se aisa bichhaD gaya hun 'nasim'

ki ab maqam bhi manzil bhi justuju bhi main