udas udas tabiat jo thi bahalne lagi

Azhar Inayati

udas udas tabiat jo thi bahalne lagi

Azhar Inayati

MORE BYAzhar Inayati

    udaas udaas tabī.at jo thī bahalne lagī

    abhī maiñ ro rahā thā ki rut badalne lagī

    paḌos vālo! darīchoñ ko mat khulā chhoḌo

    tumhāre ghar se bahut raushnī nikalne lagī

    zarā thame the ki phir ho ga.e ravāñ aañsū

    jo ruk ga.ī thī vo ġham barāt chalne lagī

    bhalā ho shahr ke logoñ ḳhush-libāsī

    ki be-kasī bhī mirā pairahan badalne lagī

    Thahar ga.ī hai kahāñ aa ke Dhalte Dhalte raat

    mirī nazar bhī charāġhoñ ke saath jalne lagī

    nazar uThī to añdherā thā jab qadam uTThe

    shuā-e-mahr mire saath saath chalne lagī

    sitam-zarīfī-e-fitrat to dekhiye 'az.har'

    shabāb aayā ġhazal par to umr Dhalne lagī

    udas udas tabiat jo thi bahalne lagi

    abhi main ro hi raha tha ki rut badalne lagi

    paDos walo! darichon ko mat khula chhoDo

    tumhaare ghar se bahut raushni nikalne lagi

    zara thame the ki phir ho gae rawan aansu

    jo ruk gai thi wo gham ki baraat chalne lagi

    bhala ho shahr ke logon ki KHush-libasi ka

    ki be-kasi bhi mera pairahan badalne lagi

    Thahar gai hai kahan aa ke Dhalte Dhalte raat

    meri nazar bhi charaghon ke sath jalne lagi

    nazar uThi to andhera tha jab qadam uTThe

    shua-e-mahr mere sath sath chalne lagi

    sitam-zarifi-e-fitrat to dekhiye 'azhar'

    shabab aaya ghazal par to umr Dhalne lagi

    Source :
    • Book : jhunka na-e-mausam kaa (Pg. 222)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now