udasiyon ka musalsal nuzul ab bhi hai
udāsiyoñ kā musalsal nuzūl ab bhī hai
har ek chiiz pe kamre kī dhuul ab bhī hai
ulajh ke rah ga.e rūmāl apne jis meñ kabhī
vafā kī raah meñ kyā vo babūl ab bhī hai
vo 'ishq vāloñ ko sahrā meñ chhoḌ aate the
tumhāre shahr meñ kyā ye usuul ab bhī hai
tumhāre naam kī ḳhushiyāñ to ḳhair mil na sakīñ
tumhāre naam kā har ġham qubūl ab bhī hai
kabhī-kabhār mahak uThne kā sabab 'nādir'
vafā kī shāḳh pe ik-ādh phuul ab bhī hai
udasiyon ka musalsal nuzul ab bhi hai
har ek chiz pe kamre ki dhul ab bhi hai
ulajh ke rah gae rumal apne jis mein kabhi
wafa ki rah mein kya wo babul ab bhi hai
wo 'ishq walon ko sahra mein chhoD aate the
tumhaare shahr mein kya ye usul ab bhi hai
tumhaare nam ki KHushiyan to KHair mil na sakin
tumhaare nam ka har gham qubul ab bhi hai
kabhi-kabhaar mahak uThne ka sabab 'nadir'
wafa ki shaKH pe ik-adh phul ab bhi hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.