udhar abr le chashm-e-nam ko chala
udhar abr le chashm-e-nam ko chalā
idhar sāqiyā! maiñ bhī yam ko chalā
mubārak ho ka.aba tumheñ shaiḳh-jī!
ye banda to bait-us-sanam ko chalā
sar-e-rah-guzar aah ai be-nishāñ
kidhar chhoḌ naqsh-e-qadam ko chalā
javāhar kā TukḌā hai ye laḳht-e-dil
tū ai ashk le is raqam ko chalā
tirā mā.il-e-husn ai sarv-qad
sunā hai ki mulk-e-adam ko chalā
hubāb-e-lab-e-jū kī mānind aah
ḳhabar jald le koī dam ko chalā
tire ishq meñ saath apne 'nasīr'
liye hasrat-o-dard-o-ġham ko chalā
udhar abr le chashm-e-nam ko chala
idhar saqiya! main bhi yam ko chala
mubarak ho kaba tumhein shaiKH-ji!
ye banda to bait-us-sanam ko chala
sar-e-rah-guzar aah ai be-nishan
kidhar chhoD naqsh-e-qadam ko chala
jawahar ka TukDa hai ye laKHt-e-dil
tu ai ashk le is raqam ko chala
tera mail-e-husn ai sarw-qad
suna hai ki mulk-e-adam ko chala
hubab-e-lab-e-ju ki manind aah
KHabar jald le koi dam ko chala
tere ishq mein sath apne 'nasir'
liye hasrat-o-dard-o-gham ko chala
Source:
Kulliyat-e-Shah Nasiir (part-1) (Pg. 339)
- Author: Shah Naseer
-
- Edition: 1971
- Publisher: Majlis-e-Taraqqi-e-Adab, Lahore
- Year of Publication: 1971
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
