uDti hui KHabar suni sare jahan mein

uḌtī huī ḳhabar sunī saare jahān meñ

dushman mirā chhupā hai mire hī makān meñ

vo ye samajh rahe haiñ ki mujh ko ḳhabar nahīñ

har baat un kī hotī hai mere hī dhyān meñ

un kī nishāne-bāzī kā ab dekhiye kamāl

un kā bhī tiir aa chukā mere kamān meñ

un kā gumān hai ki huuñ ġhāfil ḳhudā se maiñ

maiñ to sadā rahī huuñ usī kī amaan meñ

terī hadīs-e-shauq thī har ek ne sunī

tāsīr thī ajab tire husn-e-bayān meñ

duniyā meñ saarī ne.amateñ terī haiñ ai 'nasīm'

sab zā.iqe ḳhudā ne rakhe haiñ zanān meñ

uDti hui KHabar suni sare jahan mein

dushman mera chhupa hai mere hi makan mein

wo ye samajh rahe hain ki mujh ko KHabar nahin

har baat un ki hoti hai mere hi dhyan mein

un ki nishane-bazi ka ab dekhiye kamal

un ka bhi tir aa chuka mere kaman mein

un ka guman hai ki hun ghafil KHuda se main

main to sada rahi hun usi ki aman mein

teri hadis-e-shauq thi har ek ne suni

tasir thi ajab tere husn-e-bayan mein

duniya mein sari neamaten teri hain ai 'nasim'

sab zaiqe KHuda ne rakhe hain zanan mein