uf meri zindagi ki raat uf meri zindagi ke din

uf mirī zindagī kī raat uf mirī zindagī ke din

aisī na hai kisī kī raat aise na haiñ kisī ke din

ruḳh pe hai surḳhī-e-hayā rañg-e-nigāh-e-surmagīñ

jān-e-bahār ban ga.e husn kī sādgī ke din

zindagī umīd-vār ek adā itaab kī

aañkh meñ kaT ga.ī thī raat haa.e vo barhamī ke din

paañv baḌhā ke chal diyā aur maiñ dekhtā rahā

aah shabāb-e-be-ḳhatar haa.e hañsī ḳhushī ke din

'kaifī'-e-be-qarār ab dil se banegī kis tarah

hosh kī baat rah ga.ī kaT ga.e be-ḳhudī ke din

uf meri zindagi ki raat uf meri zindagi ke din

aisi na hai kisi ki raat aise na hain kisi ke din

ruKH pe hai surKHi-e-haya rang-e-nigah-e-surmagin

jaan-e-bahaar ban gae husn ki sadgi ke din

zindagi umid-war ek ada itab ki

aankh mein kaT gai thi raat hae wo barhami ke din

panw baDha ke chal diya aur main dekhta raha

aah shabab-e-be-KHatar hae hansi KHushi ke din

'kaifi'-e-be-qarar ab dil se banegi kis tarah

hosh ki baat rah gai kaT gae be-KHudi ke din