uftad tabiat se is haal ko hum pahunche

uftād tabī.at se is haal ko ham pahuñche

shiddat kī mohabbat meñ shiddat hī ke ġham pahuñche

ahvāl batā.eñ kyā raste kī sunā.eñ kyā

bā-hālat-e-zār aa.e bā-dīda-e-nam pahuñche

jis chehre ko dekhā vo ā.īna-e-dūrī thā

dīvār kī sūrat thā jis dar pe qadam pahuñche

kuchh lab pe kuchh āñkhoñ meñ le aa.e sajā kar ham

jo rañj ki haath aa.e jo ġham ki baham pahuñche

qat-e-sar-e-shāḳh-e-narm āġhāz-e-numū-e-nau

sadme mirī chāhat ko pahuñche to pa kam pahuñche

vo shāḳh bane-sañvre vo shāḳh phale-phūle

jis shāḳh pe dhuup aa.e jis shāḳh ko nam pahuñche

uftad tabiat se is haal ko hum pahunche

shiddat ki mohabbat mein shiddat hi ke gham pahunche

ahwal bataen kya raste ki sunaen kya

ba-haalat-e-zar aae ba-dida-e-nam pahunche

jis chehre ko dekha wo aaina-e-duri tha

diwar ki surat tha jis dar pe qadam pahunche

kuchh lab pe kuchh aankhon mein le aae saja kar hum

jo ranj ki hath aae jo gham ki baham pahunche

qat-e-sar-e-shaKH-e-narm aaghaz-e-numu-e-nau

sadme meri chahat ko pahunche to pa kam pahunche

wo shaKH bane-sanwre wo shaKH phale-phule

jis shaKH pe dhup aae jis shaKH ko nam pahunche