ufuq ke KHunin dhundlakon ka subh nam nahin

Arshi Bhopali

ufuq ke KHunin dhundlakon ka subh nam nahin

Arshi Bhopali

MORE BYArshi Bhopali

    ufuq ke ḳhūnīñ dhuñdlakoñ sub.h naam nahīñ

    qadam baḌhā ki ye sāthī tirā maqām nahīñ

    abhī na de mujhe izn-e-bahār ai saaqī

    abhī hayāt sitāroñ se ham-kalām nahīñ

    milā hai ab kahīñ sadiyoñ ke ba.ad mastoñ ko

    vo mai-kada ki jahāñ koī tishna kaam nahīñ

    na ārizoñ pe shafaq hai na gesuoñ meñ shikan

    ye sub.h-o-shām nahīñ mere sub.h-o-shām nahīñ

    bahār-e-dair-o-haram le ke kyā karūñ nāseh

    ye qāfile to abhī tak sahar-maqām nahīñ

    qadam qadam pe hai darkār jahd-o-fikr-o-amal

    ye zindagī hai sadā-e-shikast-e-jām nahīñ

    abhī to dāman-e-shab meñ sisak rahī hai sahar

    baḌhe chalo ki abhī sā.at-e-qayām nahīñ

    ufuq ke KHunin dhundlakon ka subh nam nahin

    qadam baDha ki ye sathi tera maqam nahin

    abhi na de mujhe izn-e-bahaar ai saqi

    abhi hayat sitaron se ham-kalam nahin

    mila hai ab kahin sadiyon ke baad maston ko

    wo mai-kada ki jahan koi tishna kaam nahin

    na aarizon pe shafaq hai na gesuon mein shikan

    ye subh-o-sham nahin mere subh-o-sham nahin

    bahaar-e-dair-o-haram le ke kya karun naseh

    ye qafile to abhi tak sahar-maqam nahin

    qadam qadam pe hai darkar jahd-o-fikr-o-amal

    ye zindagi hai sada-e-shikast-e-jam nahin

    abhi to daman-e-shab mein sisak rahi hai sahar

    baDhe chalo ki abhi saat-e-qayam nahin

    Source :
    • Book : Taqdeer-e-hina (Pg. 25)
    • Author : Arshi Bhopali
    • Publication : Hind Offset Printers, Bhopal
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY