ufuq par nae rang Dale gae

ufuq par na.e rang Daale ga.e

lo ham DhūñD kar phir nikāle ga.e

tirā phuul koī na aaya magar

bahut ham pe patthar uchhāle ga.e

vo tūfān meñ terī nannhī sī yaad

ḳhudā kī qasam ham bachā le ga.e

baḌe shauq se tere ḳhvāb aa.e the

mire dard kā silsila le ga.e

ghaTā dhuup mausam havā chāñdnī

khilaunoñ pe tā-umr Taale ga.e

jahāñ apnī thoḌī sī pahchān thī

usī shahr se ham nikāle ga.e

sazā dene aa.e the 'shāhid' magar

ajiib aadmī the duā le ga.e

ufuq par nae rang Dale gae

lo hum DhunD kar phir nikale gae

tera phul koi na aaya magar

bahut hum pe patthar uchhaale gae

wo tufan mein teri nannhi si yaad

KHuda ki qasam hum bacha le gae

baDe shauq se tere KHwab aae the

mere dard ka silsila le gae

ghaTa dhup mausam hawa chandni

khilaunon pe ta-umr Tale gae

jahan apni thoDi si pahchan thi

usi shahr se hum nikale gae

saza dene aae the 'shahid' magar

ajib aadmi the dua le gae