ulajhte rahte hain jaane kyon bar-bar mujhse

ulajhte rahte haiñ jaane kyoñ bār-bār mujh se

yahāñ pe kuchh log haiñ jo jalte haiñ yaar mujh se

maiñ ek din khul ke bol baiThā thā āḳhirat par

bigaḌ ga.e us ke baad sab duniyā-dār mujh se

ajiib dukh hai maiñ aaj us meñ khaTak rahā huuñ

jo aañkh dekhī nahīñ ga.ī ashk-bār mujh se

palaT ke aa jā ki baat bas meñ nahīñ rahī ab

sañbhal nahīñ pā rahā dil-e-be-qarār mujh se

ye sab tufail-e-ġham-e-shab-e-hijr hai mirī jaañ

jo sher hone lagā hai ab shāndār mujh se

huā kuchh aise ki maiñ buḌhāpe ko aan pahuñchā

phir is se aage huā nahīñ intizār mujh se

kisī kī bātoñ meñ aa gayā hai vo shaḳhs 'mehdī'

vagarna chāhat to thī use be-shumār mujh se

ulajhte rahte hain jaane kyon bar-bar mujh se

yahan pe kuchh log hain jo jalte hain yar mujh se

main ek din khul ke bol baiTha tha aaKHirat par

bigaD gae us ke baad sab duniya-dar mujh se

ajib dukh hai main aaj us mein khaTak raha hun

jo aankh dekhi nahin gai ashk-bar mujh se

palaT ke aa ja ki baat bas mein nahin rahi ab

sanbhal nahin pa raha dil-e-be-qarar mujh se

ye sab tufail-e-gham-e-shab-e-hijr hai meri jaan

jo sher hone laga hai ab shandar mujh se

hua kuchh aise ki main buDhape ko aan pahuncha

phir is se aage hua nahin intizar mujh se

kisi ki baaton mein aa gaya hai wo shaKHs 'mehdi'

wagarna chahat to thi use be-shumar mujh se