ulfat ki rasm-o-rah se itna wo be-parwa na tha

ulfat kī rasm-o-rāh se itnā vo be-parvā na thā

kal ajnabī ban kar milā pahle to vo aisā na thā

is saal ke sailāb se saare kināre kaT ga.e

dariyā ke pech-o-tāb kā sāhil ko andāza na thā

jab qurbatoñ kī chhāoñ meñ utre hayā ke qāfile

baḌhte qadam ḳhud ruk ga.e aage koī rasta na thā

palkoñ kī chhāgal toḌ kar rizq-e-zamīñ bante rahe

in āñsuoñ ke vāste tark-e-vatan achchhā na thā

kyā jabr-e-fitrat kā gila jab 'ahd ho nā-mehrbāñ

dariyā meñ baaḌh aa.ī vahāñ bādal jahāñ barsā na thā

'tālib' darīcha zehn kā jab zaat ke andar khulā

palkeñ idhar jhuk kar uThīñ aur duur tak sahrā na thā

ulfat ki rasm-o-rah se itna wo be-parwa na tha

kal ajnabi ban kar mila pahle to wo aisa na tha

is sal ke sailab se sare kinare kaT gae

dariya ke pech-o-tab ka sahil ko andaza na tha

jab qurbaton ki chhaon mein utre haya ke qafile

baDhte qadam KHud ruk gae aage koi rasta na tha

palkon ki chhagal toD kar rizq-e-zamin bante rahe

in aansuon ke waste tark-e-watan achchha na tha

kya jabr-e-fitrat ka gila jab 'ahd ho na-mehrban

dariya mein baDh aai wahan baadal jahan barsa na tha

'talib' daricha zehn ka jab zat ke andar khula

palken idhar jhuk kar uThin aur dur tak sahra na tha