uljhe kanTon se ki khele gul-e-tar se pahle

Ali Sardar Jafri

uljhe kanTon se ki khele gul-e-tar se pahle

Ali Sardar Jafri

MORE BYAli Sardar Jafri

    uljhe kāñToñ se ki khele gul-e-tar se pahle

    fikr ye hai ki sabā aa.e kidhar se pahle

    jām-o-paimāna-o-sāqī gumāñ thā lekin

    dīda-e-tar thā yaañ dīda-e-tar se pahle

    abr-e-naisāñ na barakat hai na faizān-e-bahār

    qatre gum ho ga.e ta.amīr-e-guhar se pahle

    jam gayā dil meñ lahū suukh ga.e āñkhoñ meñ ashk

    tham gayā dard-e-jigar rañg-e-sahar se pahle

    qāfile aa.e to the na.aroñ ke parcham le kar

    sar-nigūñ ho ga.ī har aah asar se pahle

    ḳhūn-e-sar bah gayā maut aa ga.ī dīvānoñ ko

    bārish-e-sañg se tūfān-e-sharar se pahle

    surḳhī-e-ḳhūn-e-tamannā mahak aatī hai

    dil koī TuuTā hai shāyad gul-e-tar se pahle

    maqtal-e-shauq ke ādāb nirāle haiñ bahut

    dil bhī qātil ko diyā karte haiñ sar se pahle

    uljhe kanTon se ki khele gul-e-tar se pahle

    fikr ye hai ki saba aae kidhar se pahle

    jam-o-paimana-o-saqi ka guman tha lekin

    dida-e-tar hi tha yan dida-e-tar se pahle

    abr-e-naisan ki na barakat hai na faizan-e-bahaar

    qatre gum ho gae tamir-e-guhar se pahle

    jam gaya dil mein lahu sukh gae aankhon mein ashk

    tham gaya dard-e-jigar rang-e-sahar se pahle

    qafile aae to the naron ke parcham le kar

    sar-nigun ho gai har aah asar se pahle

    KHun-e-sar bah gaya maut aa gai diwanon ko

    barish-e-sang se tufan-e-sharar se pahle

    surKHi-e-KHun-e-tamanna ki mahak aati hai

    dil koi TuTa hai shayad gul-e-tar se pahle

    maqtal-e-shauq ke aadab nirale hain bahut

    dil bhi qatil ko diya karte hain sar se pahle

    Source :
    • Book : Kulliyat-e-Ali Sardar Jafri Vol.II (Pg. 342)
    • Author : Ali Ahmad Fatmi
    • Publication : Qaumi Council Baray-e-farog Urdu Zaban, New Delhi (2005)
    • Edition : 2005
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now