ummid-war-e-lutf nahin hain kisi se hum

ummīd-vār-e-lutf nahīñ haiñ kisī se ham

māyūs is liye bhī nahīñ zindagī se ham

un kī jafā.eñ sah na sake ḳhush-dilī se ham

kyā sulh kar sakeñge ġham-e-zindagī se ham

haiñ mast aur be-ḳhud-o-sarshār aaj tak

ik roz kyā mile the kisī ajnabī se ham

vo ab hamāre pahlū meñ baiThe hue haiñ 'dard'

Dar ye hai mar na jaa.eñ kahīñ is ḳhushī se ham

ummid-war-e-lutf nahin hain kisi se hum

mayus is liye bhi nahin zindagi se hum

un ki jafaen sah na sake KHush-dili se hum

kya sulh kar sakenge gham-e-zindagi se hum

hain mast aur be-KHud-o-sarshaar aaj tak

ek roz kya mile the kisi ajnabi se hum

wo ab hamare pahlu mein baiThe hue hain 'dard'

Dar ye hai mar na jaen kahin is KHushi se hum