umr-bhar justuju rahegi kya

umr-bhar justujū rahegī kyā

aarzū aarzū rahegī kyā

nahīñ honā mukālima tujh se

ḳhud se hī guftugū rahegī kyā

raat ai raat sirf raat kī raat

mere pahlū meñ tū rahegī kyā

shor-e-ḳhāmoshī kam nahīñ honā

rāt-bhar hāv-hū rahegī kyā

tū jo mere gale bhī lag jaa.e

ruuh se ruuh chhū rahegī kyā

ḳhud ko kamre se gar nikāl duuñ maiñ

koī shai fāltū rahegī kyā

yuuñ bhī tazlīl kar ke auroñ kī

ḳhud tirī aabrū rahegī kyā

to dobāra sahar nahīñ honī

tīrgī chār-sū rahegī kyā

aisī retīlī zamīn meñ 'sāhir'

mujh ko tāb-e-numū rahegī kyā

umr-bhar justuju rahegi kya

aarzu aarzu rahegi kya

nahin hona mukalima tujh se

KHud se hi guftugu rahegi kya

raat ai raat sirf raat ki raat

mere pahlu mein tu rahegi kya

shor-e-KHamoshi kam nahin hona

raat-bhar haw-hu rahegi kya

tu jo mere gale bhi lag jae

ruh se ruh chhu rahegi kya

KHud ko kamre se gar nikal dun main

koi shai faltu rahegi kya

yun bhi tazlil kar ke auron ki

KHud teri aabru rahegi kya

to dobara sahar nahin honi

tirgi chaar-su rahegi kya

aisi retili zamin mein 'sahir'

mujh ko tab-e-numu rahegi kya