umr-e-do-roza taba-e-hijr-o-visal hai

umr-e-do-roza tāba-e-hijr-o-visāl hai

ik din agar ḳhushī hai to ik din malāl hai

miTne kā apne dil ke nahīñ mujh ko ġham zarā

duniyā ke miTne kā magar ab to savāl hai

saaqī pilā.e aur phir apnī qasam ke saath

is tarah se jahāñ bhī mile mai halāl hai

maanā niyāz-e-ishq kā hai ḳhāmushī javāb

phir bhī savāl apnī jagah par savāl hai

pāmāl kyā karegā zamāna use bhalā

tere ḳhirām-e-nāz kā jo pā.emāl hai

naqsh-e-vafā huuñ miTne kā apne nahīñ hai ġham

'afqar' miTā.e mujh ko koī kyā majāl hai

umr-e-do-roza taba-e-hijr-o-visal hai

ek din agar KHushi hai to ek din malal hai

miTne ka apne dil ke nahin mujh ko gham zara

duniya ke miTne ka magar ab to sawal hai

saqi pilae aur phir apni qasam ke sath

is tarah se jahan bhi mile mai halal hai

mana niyaz-e-ishq ka hai KHamushi jawab

phir bhi sawal apni jagah par sawal hai

pamal kya karega zamana use bhala

tere KHiram-e-naz ka jo paemal hai

naqsh-e-wafa hun miTne ka apne nahin hai gham

'afqar' miTae mujh ko koi kya majal hai