umr-e-pas-manda kuchh dalil si hai
umr-e-pas-māñda kuchh dalīl sī hai
zindagānī bhī ab qalīl sī hai
girya kartā huuñ kyā maiñ nazr-e-husain
āñsuoñ kī jo ik sabīl sī hai
chal dilā vo patañg uḌātā hai
abhī aane meñ us ke Dhiil sī hai
log karte haiñ vasf-e-nūr-jahāñ
maiñ ne dekhā vo zan to fiil sī hai
kis ke mizhgāñ ne ye kiyā jaadū
mere dil meñ gaḌī jo kiil sī hai
tū gar aave shikār-e-māhī ko
chashm-e-tar āñsuoñ se jhiil sī hai
us ko sohbat kā gar dimāġh nahīñ
tab.a apnī bhī kuchh aliil sī hai
dil mirā misr-e-husn hai tab to
nadī āñkhoñ kī rūd-e-nīl sī hai
hai jo ye 'mus.hafī' kī ham-ḳhvāba
hai to achchhī pa kuchh asiil sī hai
umr-e-pas-manda kuchh dalil si hai
zindagani bhi ab qalil si hai
girya karta hun kya main nazr-e-husain
aansuon ki jo ek sabil si hai
chal dila wo patang uData hai
abhi aane mein us ke Dhil si hai
log karte hain wasf-e-nur-jahan
main ne dekha wo zan to fil si hai
kis ke mizhgan ne ye kiya jadu
mere dil mein gaDi jo kil si hai
tu gar aawe shikar-e-mahi ko
chashm-e-tar aansuon se jhil si hai
us ko sohbat ka gar dimagh nahin
taba apni bhi kuchh alil si hai
dil mera misr-e-husn hai tab to
nadi aankhon ki rud-e-nil si hai
hai jo ye 'mushafi' ki ham-KHwaba
hai to achchhi pa kuchh asil si hai
Source:
kulliyat-e-mas.hafii(divan-e-soom) (Pg. 210)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
