un ke husn-o-shabab ka aalam

un ke husn-o-shabāb kā 'ālam

laala māh-o-gulāb kā 'ālam

hai baḌe intiḳhāb kā 'ālam

ḳhūb-tar āñ-janāb kā 'ālam

turfa 'ālam vo mus.haf-e-ruḳh kā

jaise haq kī kitāb kā 'ālam

jalva-e-bazm-e-'ālam-e-imkāñ

dar-haqīqat ye ḳhvāb kā 'ālam

nigah-e-mast-e-yār kyā kahiye

jaise jām-e-sharāb kā 'ālam

tum ko paanī jo aa rahā hai nazar

asl meñ ik sarāb kā 'ālam

un kā 'ālam hai yuuñ pa.e-'āshiq

jaise 'izzat-ma.āb kā 'ālam

kis qadar hai dil-o-nazar afroz

aap ke intisāb kā 'ālam

un kā rū-e-hasīn ai 'in'ām'

jalva-e-māhtāb kā 'ālam

un ke husn-o-shabab ka 'alam

lala mah-o-gulab ka 'alam

hai baDe intiKHab ka 'alam

KHub-tar aan-janab ka 'alam

turfa 'alam wo mushaf-e-ruKH ka

jaise haq ki kitab ka 'alam

jalwa-e-bazm-e-'alam-e-imkan

dar-haqiqat ye KHwab ka 'alam

nigah-e-mast-e-yar kya kahiye

jaise jam-e-sharab ka 'alam

tum ko pani jo aa raha hai nazar

asl mein ek sarab ka 'alam

un ka 'alam hai yun pae-'ashiq

jaise 'izzat-maab ka 'alam

kis qadar hai dil-o-nazar afroz

aap ke intisab ka 'alam

un ka ru-e-hasin ai 'in'am'

jalwa-e-mahtab ka 'alam