ان کے رخ پر نکھار کا عالم
گلستاں پر بہار کا عالم
مست آنکھوں میں شبنمی آنسو
گوہر آبدار کا عالم
ان کے آنے پہ ان کے جانے پر
دل بے اختیار کا عالم
رقص کرتے ہیں کتنے پیمانے
اس نظر میں خمار کا عالم
وائے حسرت کہ تیرے ہوتے بھی
تیرے ہی انتظار کا عالم
روٹھ جانا ترا لگاوٹ سے
بے رخی میں بھی پیار کا عالم
برق اٹھی بلائیں لینے کو
ہے قفس پر بہار کا عالم
عرض مطلب پہ میرے اے نیرؔ
نگہۂ شرم سار کا عالم
مأخذ :
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
